Mörgæsir, ísjakar og önnur náttúruundur á hjara veraldar!
13 dagar
Suðurskautslandið er syðsta heimsálfan á jörðinni og sú fimmta stærsta í veröldinni.
Suðurskautslandið er kaldasta og vindsamasta heimsálfan og er hún þekkt fyrir mikla íshellu sem inniheldur um 90% af öllu ferskvatni jarðarinnar. Álfan er þekkt fyrir heimkynni ýmissa villtra dýrategunda eins og sela og fjölda ólíkra fuglategunda eins og hinna ófleygu mörgæsa.
Á Suðurskautslandinu er enginn með fasta búsetu en þar er að finna miðstöð fyrir vísindarannsóknir, með fjölmörgum rannsóknarstöðvum sem reknar eru af mismunandi löndum og er fjöldi þeirra sem starfar þar breytilegur eftir árstíðum. En hinn svokallaði Suðurskautssáttmáli, bannar alla hernaðarstarfsemi í álfunni og flokkar álfuna sem verndarsvæði í þágu vísindanna og hefur hjálpað til við að viðhalda henni sem vettvangi friðsamlegrar vísindasamvinnu.
