Heilsuferð á Tenerife – 4* lúxus & slökun

Í þessari einstöku heilsuferð, í fallegum og líflegum strandbæ á norðurhluta Tenerife, kemur þú þér á rétta braut undir handleiðslu einkaþjálfara og næringarfræðings. Þetta er heilsuferð í allra jákvæðustu merkingu þess orðs og í henni nærðu að núllstilla mörg af mikilvægustu kerfum líkamans.

Detox hentar fyr­ir alla þá sem vilja bæta lík­am­lega og and­lega heilsu. Heilsumeðferðin býður upp á hreinsandi mataræði ásamt mik­illi áherslu á slök­un og hvíld. Farþegar ná að vinda ofan af þreytu og létt­ast hressi­lega.

Í þessari dásamlegu heilsuferð nærðu líka að losa þig við umfram vatnssöfnun og aukakíló og njóta blíðviðris á eyjunni fögru. Þú losar bjúg, líður betur í líkamanum og léttist. Það er ótrúlegt hvað tvær vikur af hreinsandi matarræði, dekri við sjálfið og líkamann getur gert.

Blóðsykurstjórnun er jafnframt lykilatriði þar sem þú nærð stjórn á:

Hótelið er huggulegt og ný tekið í gegn og er á besta stað í bænum, rétt ofan við fallegar strendur og gamla miðbæinn. Hér er á ferðinni fullkomin ferð fyrir þá sem vilja losna undan streitu og álagi, vilja ná góðri hvíld og slökun, bæta svefn og finna til núvitundar, fræðast um gott mataræði, góða heilsu og fá detox-meðferð hjá næringarsérfræðingi og einkaþjálfara með áratugareynslu.

• Næringaráðgjöf frá sérfræðingi!
• Streitulosun!
• Núllstilling!
• Núvitund!
• Hreint og heilsusamlegt fæði!
• Frábær heilsulind!
• Úrval nudd- og snyrtimeðferða!
• Rólegur strandbær! 
• Vellíðan!
• Blóðsykursstjórnun!
• Losnar við bjúg!
• Fækkar aukakílóum!
• Eykur orkuna!
• Bætir svefn og matarræði!
• Sól og sæla!
• Óviðjafnanlegt útsýni!

Tenerife er stærsta og fjölsóttasta eyjan af þeim átta eyjum sem tilheyra Kanaríeyjunum. Hún er staðsett mitt á milli eyjanna Gran Canaria, La Gomera og La Palma. Tenerife er eldfjallaeyja sem talin er að hafi myndast fyrir 8 milljónum ára. Hún er í u.þ.b. 300 km fjarlægð frá meginlandi Afríku og í u.þ.b. 1300 km frá meginlandi Spánar. Eyjan er 2.034 ferkílómetrar að flatarmáli og er eins og þríhyrningur í laginu og fer hún hækkandi eftir því sem nær dregur miðju og nær hámarki með Pico del Teide sem er hæsta fjall Spánar í 3.718 m hæð yfir sjávarmáli. Santa Cruz er höfuðborgin þar sem búa um 250.000 íbúar en á eyjunni búa tæplega milljón manns. 

Meðalhiti á Tenerife er í kringum 22-25 °C en athugið að hitastigið getur verið lægra upp til fjalla.

Gamli bærinn í Puerto de la Cruz er líflegur og skemmtilegur með fallegum húsum, kirkjum og göngugötum og skemmtilegum verslunum. Hafnarsvæðið og hafnargarðarnir eru einnig skemmtilegir og sitthvoru megin við þá er að finna tvær sandstrandir sem notalegt er að heimsækja. Útfrá annarri þeirra eru jafnframt fallegar og gróðursælar gönguleiðir sem ná í raun langleiðina eftir allri norðustrandlengju eyjarinnar.

Ein elsta kapella Kanaríeyja er einnig að finna í miðbæ Puerto de la Cruz og heitir hún Ermita de San Amaro. Hún er frá 16. öld og var hún vígð með það að markmiði að kristna frumbyggjana. Í strandbænum, alveg niðri við sjávarsíðuna, er líka fallegur sundlaugagarður, Lago Martianez, og í miðjum bænum er síðan að finna einn glæsilegasta dýragarð veraldar, Loro Parque.

Í bænum má einnig finna fallega grasagarða frá 18. öld, annars vegar El Botánico og hins vegar Jardin de Orquideas þar sem rithöfundinn frægi, Agatha Christie, vandi komur sínar og fékk hugmynd að bók sinni The Mysterious Mr. Quin. Síðan eru líka fallegar og litríkar tröppur í bænum tileinkaðar rithöfundinum þar sem hver og ein trappa táknar bókakjöl bóka hennar. Þar er svo einnig barinn San Telmo Lido sem varð frægur fyrir það eitt að hafna Bítlunum að spila á sínum tíma. Þá er flottur golfvöllur í nágrenninu og stórir verslunarkjarnar ofar í bænum.

Morgun

• Morgunverður
• Morgunganga og teygjur og létt leikfimi
• Flothugleiðsla í sundlauginni
• SPA-þerapía

_______________________________

Hádegi 

• Frjáls tími, slökun, sólbað og sund
• Gunnar til staðar í spjall og ráðleggingar allan daginn

________________________________

Síðdegi

• Hugleiðsla – Öndunaræfingar
• Saunaþerapía og kæling með Gunnari

________________________________

Kvöld

• Kvöldverður
• Spilakvöld, pubquiz og alls konar skemmtilegheit

________________________________

Valfrjáls dagskrá

• Heilsdagsferð á suðurhluta eyjarinnar.
• Hóptímar í heilsulind
• Jóga
• Nudd
• Andlits- og snyrtimeðferðir

Ert þú til í heilsufrí, þar sem hvíld, hreyfing, mataræði og fræðsla eru í fyrirrúmi? Langar þig til að bæta matarræðið, missa nokkur aukakíló og setja heilsuna í fyrsta sætið? Þá er þetta rétta ferðin fyrir þig. 

Þetta hafa farþegar okkar úr heilsuferðinni dásamlegu að segja:

Gist er á 4* hótelinu AF Valle Orotava með fullu fæði; safar, súpur og salöt.

Hótelið er vel staðsett í Puerto de la Cruz, einum af stærri strandbæjum eyjarinnar fögru. Sameignarsvæði hótelsins er fallegt og innréttað í notalegum stíl. Móttakan er opin allan sólarhringinn. Herbergin eru björt, snyrtileg og vel útbúin með flatskjá, minibar og þráðlausu interneti. Á hótelinu er sundlaugasvæði með tveimur sundlaugum og sólbekkjum. Þar er einnig heilsulind og líkamsræktaraðstaða. Veitingastaður og hótelbar eru með snyrtilegasta móti.

Öll herbergi hótelsins eru innréttuð með hlýlegum litum og búin fyrsta flokks húsbúnaði.

Glæsileg heilsulind hótelsins býður meðal annars uppá sauna, blautgufu og jacuzzi.

Ef þú ert í leit að slökun, vellíðan, betri líkamsþyngd, aukinni orku, bættum svefni og hreinna matarræði þá erum við með réttu ferðina og fullkomið hótel fyrir þig.

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða. Athugið einnig að gististaðir geta breyst en þá er ávallt boðið upp á sambærilega gististaði eða betri.

Í ferðum Tíu þúsund feta fara ávallt íslenskumælandi fararstjórar með í ferðirnar. Í þessari ferð er það Gunnar Már Kamban en hann hefur einnig 30 ára reynslu við einkaþjálfun og næringarráðgjöf. Síðastliðin ár hefur hann boðið upp á detox-meðferðir hér á landi með góðum árangri. Sjálfur segir Gunnar að meðferðin sé það besta sem hann hafi upplifað fyrir eigin heilsu:

„Ég hef haft yfir 500 manns í meðferðum og það er frábær reynsla að sjá fólk umbreyta líðan sinni í þessum meðferðum. Detox er einstök leið til að stórbæta andlega og líkamlega heilsu í stresslausu umhverfi og er eitthvað sem ég mæli með að fólk geri reglulega út lífið.

Ég er gríðarlega spenntur yfir að geta boðið þessa dvöl á Tenerife í því fallega landslagi og góða loftslagi sem þar er. Hótelið er einstakt hótel sem býður upp á allt sem til þarf til að upplifa einstaka detox daga og vinda ofan af stressi og streitu. Ég mun taka á móti ykkur og verð til staðar allan tímann. Ég mun aðstoða ykkur varðandi mataræðið og hreyfinguna og veita ykkur ráðgjöf og stuðning í gegnum allt ferlið og veit að þið munið upplifa frábæra dvöl og koma fersk og endurnærð heim.

Hlakka til að taka á móti ykkur.“

Flug:

• Flug með Play
• Flugvallagjöld og skattar

Farangur:

• Ferðataska 20 kg
• Persónulegur hlutur sem kemst undir flugsæti

Hótel:

• Gisting á 4* hóteli

Fæði:

• Ferskir grænmeti- og ávaxasafar að morgni og súpur og salöt í hádegis- og kvöldmat

Akstur

• Akstur til og frá flugvelli á Tenerife

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina

EKKI INNIFALIÐ

• Drykkir
• Valfrjálsir dagskrárliðir og meðferðir
• Ferðatryggingar
• Þjórfé