Hringferð um hnöttinn

Við munum ferðast til faldra gimsteina  í sex heimsálfum á þessari dásamlegu skemmtisiglingu umhverfis hnöttinn. Komdu með í sannkallaða draumaferð lífs þíns!

Frá janúar til maí 2026 förum við saman í stórbrotið 119 daga ferðalag víða um heim. Í ferðinni upplifir þú menningu og matargerð Evrópu, mjúka sanda Karíbahafsins, töfrandi heim Ameríku og gimsteina Kyrrahafsins áður en þú upplifir afslappaðan lífsstíl Ástralíu, iðandi mannlíf og náttúru Asíu og fornminjar Egyptalands. Árið 2026 verður fullkomið draumaferðalag fyrir sannkallað ævintýrafólk eins og þig. 

Á ferðalaginu heimsækir þú 47 fjölbreytta áfangastaði í 32 löndum og í 6 heimsálfum. Vertu sannur landkönnuður og komdu með okkur í þessar 36.000 sjómílna heimsreisu sem hefst í Barcelona. Fyrst siglum við um Miðjarðarhafið, þá yfir Atlantshafið og uppgötvum strandlengjur Madeira og bláu flóa Barbados, Grenada, Bonaire og Curaçao. Við stoppum í Kólumbíu, siglum í gegnum hinn víðfræga Panamaskurð til Kosta Ríka, Níkaragva, Gvatemala og Mexíkó. Og komum við í San Diego og San Francisco.

Þessu næst breytum við um takt í ljúfri menningu Hawaí og lystisemdum Tahítí, Samóa og Fídjieyja. Þaðan færum við okkur til Nýja Sjálands og töfrandi stranda Ástralíu. Eftir stopp í Auckland, Sydney og áströlsku gullströndinni sjáum við hin ótrúlegu Kóralrif áður en við siglum norður gegnum dulúð Manila og upplifum það besta í Japan á Okinawa-eyju og Tókýó.

Þá heldur heimssiglingin áfram í átt að Suður-Kóreu, Shanghai og háhýsa Hong Kong. Suðræn svæði Víetnam munu heilla ásamt Singapúr, Malasíu og ströndum Srí Lanka. Þá verður kominn tími til að fara aftur í átt til Evrópu um Rauðahafið í gegnum Dubai, Óman og Súez-skurðinn til að afhjúpa forna fjársjóði Jórdaníu og Egyptalands áður en haldið er til Grikklands á heimleiðinni til Spánar.

Höfn fyrir höfn mun okkar tilkomumikla sigling kynna ólíkar hefðir, menningu og samfélög og veita ógleymanlega upplifun. Sérhannaðar skoðunarferðir í landi tryggja að enginn steinn verður látinn ósnortinn. Upplifðu drauminn að sigla kringum heiminn með okkur. Um borð eru fimm sælkeraveitingastaðir, tólf barir, margverðlaunuð heilsulind, endlaus afþreying og fyrirmyndar sundalaugar- og sólbaðssvæði. 

• 6 heimsálfur!
• 32 áfangastaðir!
• 118 nætur!
• Þú pakkar bara einu sinni ofan í tösku og vaknar á nýjum stað á hverjum degi!
• Stórbrotin náttúra!
• Sigling í stórkostlegu landslagi!
• Óviðjafnanlegt útsýni allan tímann!
• Matur og menning að hætti heimamanna víða um veröld!
• Fjölmargir perlur á heimsminjaskrá UNESCO!
• Dekur og skemmtun!

Í þessa einstöku sérferð Tíu þúsund feta um heiminn, fara þaulreyndir íslenskumælandi fararstjórar með í ferðina, þau Rún Kormáksdóttir og Trausti Hafsteinsson. Þau hafa starfað við margs konar ferðaþjónustu í 25 ár ásamt því að ferðast um víða veröld m.a. á framandi slóðir. Athugið að íslensk fararstjórn er háð lágmarki en ferðin verður ávallt farin engu að síður. 

Ertu tilbúinn til að svala ævintýraþorsta þínum með eftirminnilegri siglingu hringinn í kringum heiminn? Byrjaðu núna að skipuleggja heimssiglinguna þína 2026! 

Þeir sem finna til sjóveiki ættu að gera viðeigandi ráðstafanir. Farþegar athugi að sækja tímanlega um vegabréfsáritanir þar sem þess er þörf. 

Vinsamlega athugið

Ofangreind dagskrá er birt með fyrirvara. Tíu þúsund fet áskilja sér rétt til að breyta dagskrá ef á þarf að halda með tilliti til veðurs og annarra aðstæðna, að sjálfsögðu með heill farþega í fyrirrúmi.

Hótel:

• Gisting í tvær nætur á hóteli í landi

Fæði:

• Fullt fæði og drykkjarpakki innifalinn (vatn, bjór, gosdrykkir & léttvín með máltíðum)

Akstur

• Akstur til og frá flugvelli

Sigling

• Sigling umhverfis hnöttinn í 118 nætur
• 6 heimsálfur
• 32 lönd
• 47 áfangastaðir

Dagskrá

• 15 flottar skoðunarferðir
• Sýningar og skemmtanir
• Óþrjótandi afþreyingarmöguleikar um borð
• Aðgangur að líkamsrækt

Fararstjórn

• Vönduð íslensk fararstjórn tveggja þaulreyndra fararstjóra Tíu þúsund feta
• Þjónusta staðarleiðsögumanna

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina.  

EKKI INNIFALIÐ

• Flug
• Valfrjálsar ferðir og dagskrárliðir
• Annað sem ekki er tekið fram sem innifalið
• Ferðatryggingar
• Þjórfé

• Stuðningssokkar geta komið sér vel fyrir langt flug, en þeir geta minnkað líkur á bjúg og blóðtappa í fótum.